کابل کې د امریکا سفیر جان باس ویلي چې پر ټاکنو برید پر افغانانو برید دی.
افغانستان کې د امریکا سفیر جان باس په خپل ټویټر لیکلي چې، ټاکنې د افغانانو غوښتنه ده او پر غونډو یې بریدونه پر ټولو افغانانو برید دی.
د باس دغه څرګندونې داسې مهال کېږي چې نه یوازې هلمند کې پر ټاکنیزه غونډه ځانمرګی برید وشو، بلکې تر دې وړاندې په ننګرهار کامې ولسوالۍ کې هم پر ټاکنیزه غونډه ځانمرګی برید وشو چې لسګونو کسانو ته یې مرګ ژوبله واړوله.
د ټاکنو د امنیت خوندیتوب لپاره د افغان حکومت سربیره افغانستان ته راغلو بهرنیو ځواکونو هم د مرستو ټټر ډبولی دی، خو تر اوسه پاتې راغلي دي.
