امریکا او بریتانیا غواړي د افغانستان په اړه یو نوی ایتلاف جوړ کړي

د افغانستان لپاره د امریکا ځانګړي استازي توماس وېست د بریتانیا د پوځ لوی درستیز جنرال نیک کارټر سره لیدنه کې ویلي، افغانستان سره اړینو مرستو رسولو او امنیتی مسایلو په اړه یو نړیوال ایتلاف جوړوی.

د راپورونو له مخې، په دې لیدنه کې ټینګار شوی، چې نړیواله ټولنه باید افغانستان سره بشري مرستې زیاتې کړي.

لیدنه کې همداراز د افغانستان د امنیتي وضعیت او راتلونکې په اړه هم بحثونه شوي دي.

د امریکا ځانګړي استازي توماس وېسټ ویلي، د بریتانیا د پوځ لوی درستیز جنرال نیک کارټر سره کتنه کې یې ټينګار پر دې کړی، چې افغانستان کې د بشر دوستانه مرستو رسولو او امنیتي مسایلو په اړه یو نړیوال ایتلاف رامنځ ته شي او له دغه هېواد سره اړینې مرستې وشي.