د امریکا متحده ایالتو بهرنیو چارو وزارت د رسنیو د آزادۍ نړیوالې ورځې په مناسبت په یوه خبرپاڼه کې افغانستان کې د خبریالانو او آزادو رسنیو په تړاو اندېښنه ښودلې او زیاته کړې یې ده،چې په سیسټماټیک ډول د طالبانو له خوا ځپل کیږي.
په خبرپاڼه کې ویل شوي، ښځینه خبریالانو او د لرې پرتو سیمو خبریالان د هغو له ډلې دي،چې د طالبانو لخوا تر ټولو ډېر اغیزمن شوي دي.
د می میاشتې درېیمه،چې د رسنیو د ازادۍ له نړیوالې ورځې سره برابره ده،په مناسبت یې کابل کې د امریکا متحده ایالتو سفارت ویلي،خبریالان که څه هم له لویو ګواښونو سره مخ دي،خو بیا هم له جنګي سیمو راپورونه ورکوي.
کابل کې د امریکا محده یاالتو سفارت وايي:« خبریالان خپل ژوند په ګواښ کې اچوي، د جګړې له سیمو راپور ورکوي او د ځورونې،ډارولو، تاوتریخوالي او زندان سره مخ دي. د مطبوعاتو د آزادۍ په نړیواله ورځ کې، موږ باید د ژورنالیستانو او د بیان آزادۍ د ساتنې لپاره هوډ وکړو.»
اخوا ملګرو ملتونو هم د رسنیو آزادي د دیموکراتیکو ټولنو اساس بللې او ټینګار یې کړی دی،چې له یادې آزادۍ پرته بله آزادي نه شته دی.
ملګري ملتونه :« د بیان او رسنیو له ازادۍ پرته رښتینې ډیموکراټيکې ټولنې نه شته دی. د بیان له ازادۍ پرته بله هېڅ ډول ازادي او خپلواکي وجود نه لري.»
کابل کې د اروپایي ټولنې دفتر هم د رسنیو آزادۍ نړېوالې ورځې په مناسبت ویلي،پر نړیواله کچه د رسنیو او خبریالانو ملاتړ کوي او هڅه کوي،چې د دوی پر وړاندې د محدودیتونو مخه ونیسي.
افغانستان کې د اروپايي ټولنې دفتر:« د بیان د ازادۍ پر نړیواله ورځ، اروپايي ټولنه پر نړیواله کچه له ټولو ژورنالیستانو خپل ملاتړ اعلان کوي او هڅوي یې،چې د سانسور او محدودیت پر وړاندې مبارزه وکړي. هېڅ ډول ملي ګټې د نظر د ازادۍ او د رسنیو د ازادیو مخه نه نیسي.»
د اسلامي امارت ویاند ذبیح مجاهد افغان خبریالانو پر وړاندې تاوتریخوالی رد کړی او ویلي یې دي، رسنۍ د دوی له امله نه بلکې د بهرنیو تمویلوونکو د نه شتون له امله تړل شوي دي.
