Skip to content
د افغان ماشومانو لپاره د المان کمېټې مشر محمد عالم شهاب وايي، په کابلکې له شااوخوا ۵۰۰ کورنیو سره د نږدې اتلس زره ایرو په ارزښت مرستې وویشلې.
شهاب زیاته کړه:« دا زموږ ۵۵۰۰ کورنۍ دي،چې تر اوسه مو په بېلابېلو ساحاتو کې د خپلو غریبو، بې وزله او بې بضاعته افغانانو سره کومک کړی. ان شاءالله زموږ مرستې به دوام ولري.»
د خلکو بې وزلۍ او سړې هوا د کابل د مهاجرینو مشر قاري عبدالمتین رحیمزی اندېښمن کړی او پر نړیوالو یې غږ وکړ،چې د افغانانو لاسنیوی دې وکړي.
رحیمزی زیاته کړه:«سبا شاوخوا ۱۱ سوه کورنیو سره د ژمنیو لګښتونو په موخه نقدي پیسې وېشل کېږي په پلچرخي کې او بل سبا بیا په ده سبز ولسوالۍ کې د همدې مؤسسې لخوا (د افغان ماشومانو لپاره د المان کمېټه) دوی هلته هم له ۵۰۰ کورنیو سره مرستې کوي.»
د کډوالو او مهاجرینو ریاست وایي، د یو شمېر هېوادونو مرستې کابل ته را رسېدلي او ګڼو نورو هېوادونو د بشري مرستو ژمنې کړي،چې په نږدې راتلونکې کې به را ورسېږي.
