افغان پوله ساتو ځواکونو د ننګرهار په دور بابا ولسوالۍ کې شپږ تنه د وسلو قاچاقبر ونیول.
په ختیځ کې سرحدي ځواکونو شپږ د وسلو قاچاقبر نیولي چې، له پاکستان یې افغانستان ته وسلې راوړلې.
د سرحدي ځواکونو قومندان ویلي قاچاقبر یې له ۵۱ مېله وسلو سره د دور بابا ولسوالۍ په سربند سیمه کې نیولي دي.
نیول شوي کسان د لوګر ولایت اوسیدونکي دي او پر خپل جرم یې اعتراف کړی دی.
ایوب حسېن خېل ویلي د وسله والو پر وړاندې له دفاعي حالت وتلي او اوس پروسله والو بریدونه کوي.
نیول شویو کسانو ویلي دوی، یوازې نه دي او په دور بابا ولسوالۍ کې ډېر شمېر نور خلک هم د وسلو قاچاق کې مصروف دي.
قومندان محمد ایوب حسېن خېل وایي، ختیځ کې یې، په ټولو هغو لارو څار ډېر کړی، چې د قاچاقي موادو انتقال پرې کېږي.
د جنرال حسېن خېل په خبره اوس د وسله والو پر وړاندې له دفاعي حالت وتلي او پر ضد یې عملیات دوام لري.
د سرحدي ځواکونو دا لوړپوړی چارواکي وایي، نږدې راتلونکې کې له نورو ګډو ځواکونو سره یو ځای د ولسمشریزو ټاکنو امنیت خوندیتوب لپاره په هغو سمیو کې د وسله والو ځپلو پسي چې شتون یې د ټاکنو ملي پروسې پر وړاندې خنډ جوړوي پراخ عملیات پیلوي.
