د روغتیا وزارت وايي راتلونکېو درې میاشتو کې به افغانستان کې د کرونا ډېرې پېښې ثبت شي.
عامې روغتیا وزارت اندیښنه لري چې هیواد کې به د کرونا ویروس د مثبتو پیښو شمیر تر راتلونکو دریو میاشتو مخ په لوړیدو دي.
روغتیا وزارت وایي، په تیرو څلرویشتو ساعتونو کې د کرونا ویروس ۱۳۳ مثبتې پیښې ثبت شوي چې ډیرې په کابل او کندهار ولایتونو کې دي .
د عامې روغتیا وزارت مالومات ښيي چې تیرو څلرویشتو ساعتونو کې ۴ کسان له دې ناروغۍ مړه شوي او ۱۸ جوړ شوي .
عامې روغتیا وزارت مالومات ښيې چې د کرونا ویروس مثبتې پیښې به په هیواد کې تر راتلونکو دریو میاشتو مخ په لوړېدو وي .
د روغتیا وزارت ویاند وحیدالله مایار وایي، که چیرې د کرونا ویروس درمل یا هم واکسین پيدا شي جلا بحث دی خو د دوی وړاندوینه همدا ده چې پېښې به په ډېرېدو وي.
دغه وزارت وایي چې په تېرو څلرویشتو ساعتونو کې ۱۳۳ د کرونا ویروس مثبتې پیښې ثبت شوي ؛ چې ۲۵هرات ؛ ۲۱بلخ ؛۲۰ کندهار ؛ ۱۶ کابل ؛ ۱۶ کابل ۷ نیمروز؛ ۶ سمنګان ؛ زابل ؛ کاپیسا ؛ لوګر او تخار ولایتونو کې درې درې پیښې غور؛ بامیان او اروزګان ولایتونو کې دوه دوه بغلان ؛ میدان وردګ ؛ هلمند ؛ او پروان ولایتونو کې یوه یوه مثبتې پیښې ثبت شوي .
روغتیا وزارت وایي تیرو څلرویشتو ساعتونو کې ۴ تنه له دې ویروس مړه شوي او ۱۸ تنه ترې جوړ شوي هم دي چې ډېری یي په کابل کې دي.
له دې سره په هیواد کې د کرونا ویروس مثبتو پیښو شمیر ۱۴۶۳ ته لوړ شو چې ۴۷ کسان له دې ویروس مړه شوي او ۱۸۸ تنه جوړ شوي دي .
