افغانستان کې د کرونا ناروغۍ ۶۴ نورې مثبت پېښې ثبت شوې.
د عامې روغتیا وزارت وايي، په تیرو ۲۴ ساعتونو کې ۲۶۸ مشکوکې پېښې دوی ته ورغلي چې ۶۴ یې مثبتې دي.
د تیرو څو نورو ورځو په څیر بیا هم کابل ښار کې مثبتې پېښې زیاتې دي.
د روغتیا وزارت مالومات ښيي چې له دې ډلې ۱۳۱ کسان جوړ شوي هم دي .
دغه وزارت وایي د تازه ثبت شوو پېښو څخه کابل کې ۳۱ ؛ بلخ ۱۶؛ کنړ ۶؛ هرات۴ ؛ بغلان ۳؛ فاریاب؛ لغمان ؛جوزجان کې یوه یوه پیښه ثبت شوې ده.
روغتیا وزارت وایي چې تیرو څلرویشتو ساعتونو کې په ټول هېواد کې دوه کسان له کرونا ویروس مړه شوي هم دي .
له دې سره روغتیا وزارت وایي چې په تیرو څلرویشتو ساعتونو کې ۱۵ کسان جوړ شوي دي چې دوه کابل او ۱۳ هرات ولایت کې دي .
له دې سره په هیواد کې د کرونا ویروس د مثبتو پیښو شمیر ۹۹۶ ته لوړ شو، له دې ډلې ۱۳۱ کسان جوړ شوي او دوه دیرش کسان مړه شوي دي.
