په هېواد کې د تازه ۵۲ مثبتو پېښو له ثبتېدو سره د کرونا پېښې ۶ سوه ۷ ته لوړې شوې.
د عامې روغتیا وزارت ویاند وحیدالله مایار وایي چې تازه پېښو کې ۲۸ یې په کابل کې ثبت شوي دي.
دغه وزارت وایي چې لا هم د کرونا مثبتو پېښو لوړېدو امکان شته او خلک باید د ډاکترانو لارښوونې په جدي ډول عملي کړي.
د مایار په خبره، خلک باید د ګرځبندیز اصول مراعات کړي او په کورنو کې پاتې شي.
عامې روغتیا وزارت په هېواد کې د کرونا اوسنی وضعیت هومره جدي نه بولي خو اندېښنه یې داده که خلک طبي لارښوونې مراعات نه کړي وضعیت خرابېدی شي.
نن په لوګر کې د کرونا ویروس ناروغ مړ شوی چې له دې سره په هېواد کې د مړو شوو شمېر ۱۹ او ۳۷ ترې جوړ شوي دي.
