کرونا سره د مبارزې لپاره نږدې ۷میلیارده افغانۍ ځانګړي شوي.
افغان حکومت له کرونا سره د مبارزې لپاره شپږ اشاریه اووه میلیارده افغانۍ ځانګړې کړي او ولایتونو ته یې لېږلې دي.
اطلاعاتو ته د لاسرسي کمېسیون اندیښنه لري ؛ که یادې پیسې په ولایتونو کې په شفاف ډول مصرف نشي لویه فاجعه به رامنځته کړي .
له دې سره روغتیا وزارت اعلان وکړ چې افغانستان کې په کرونا د اخته کسانو شمېر له زرو پورته شو.
ارګ هم تایید کړې چې د کرونا شل پېښې د جمهوري ریاست کارمندانو کې ثبت شوي دي.
افغان حکومت له کرونا سره د مبارزې لپاره شپږ اشاریه اووه میلیارده افغانۍ ځانګړې کړي او ولایتونو ته یې لیږلي دي.
اطلاعاتو ته دلاسرسي کمېسیون وایي ؛ په ولایتونو کې مسوول چارواکي دې له خبریالانو او مدني ټولنو سره د مصرف شوو لګښتونو په اړه مالومات شریک کړي.
له دې سره په هیواد کې په تیرو څلرویشتو ساعتونو کې ۳۰ د کرونا ویروس مثبتې پیښې شبت شوي چې ډیرې په کابل او هرات ولایتونو کې دي .
د عامې روغتیا وزارت ویاند وحیدالله مایار وایي چې تیرو څلرویشتو ساعتونو کې له دې ناروغۍ درې تنه مړه شوي او څلور نور بیا ښه شوي دي.
په ورته وخت کې د ولسمشر ویاند صدیق صدیقي رسنیو سره خبرو کې تایید کړې چې د جمهوري ریاست شل کارمندان هم په کرونا اخته دي، خو د روغتیا وزارت دا خبر نه تایید او نه رد کړ.
له دې سره په هیواد کې د کرونا ویروس ټولې مثبتې پيښې ۱۰۲۶ ته لوړې شوي چې ۱۱۰ تنه یې روغتیایي پرسونل دي .
د روغتیا وزارت د مالوماتو له مخې، افغانستان کې تر اوسه له کرونا ۳۶ کسان مړه شوي او ۱۳۵ ترې جوړ شوي دي.
