افغانستان کې د کرونا مثبتو پېښو شمېر ورځ تربلې په لوړېدوی دی.
د عامې روغتیا وزارت وايي، په تیرو ۲۴ ساعتونو کې د کرونا وایروس ۱۶۴ مثبتې پېښې ثبت شوي دي.
د عامې روغتیا وزارت ویاند وحید الله مایار وویل، د تازه ۱۶۴ مثبت پېښو سره په هېواد کې د ټولو پېښو شمیر ۲۳۳۵ ته لوړ شو.
مایار وویل، په ۲۴ ساعتونو کې ۵۰ تنه جوړ شوي خو په همدې موده کې څلور کسان وفات شوي هم دي چې دوه تنه یې په بلخ او دوه یې په ننګرهار کې دي.
تر اوسه په ټول هېواد کې د کرونا وایروس له امله د مړو شمیر ۶۸ کسانو ته ورسید.
د عامې روغتیا وزارت یو وار بیا له خلکو وغوښتل چې ددوی سپارښتنې عملي کړي او پرته له ډېر ضرورت له کورونو را و نه وځي.
