هغې زیاته کړه: «لومړی دا چې موږ په ډېر محتاط ډول خوشبین یو. همدا راز ملګرو ملتونه هم باید هېله من اوسي، ځکه که موږ خوشبیني له لاسه ورکړو، په غرنيو سیمو کې به ښوونځي ته تلوونکې نجونې هم خواشینې شي او ناهیلې به شي. ورسره اسلامي امارت هم ژمنې کړې دي، چې ښوونځي به بیرته ژر پیلوي.»
له دې سره یاسمین په افغانستان کې د هوا د سړېدو، ګونګ راتلونکي، وزګارتیا او د لوږې کچې د لوړیدو له امله اندیښنه څرګنده او افغانستان یې له یوه ستر بشري ناورین سره مخ وباله.
