کار او ټولنیزو چارو وزارت د ماشومانو نړیوالې ورځې نمانځغونډه کې وویل، له یو میلیون ډېر ماشومان پر نشه یي توکو روږدي ؛ ۹۷ سلنه له وهلو ټکولو او ۶۶ سلنه نور بیا د ځورونې له نورو ډولونو سره مخ دي.
د کار او ټولنیزو چارو وزارت: « ۵ میلیونه ماشومان په هېواد کې اغیزمن دي،چې یو میلیون پر نشه ی ي توکو روږدي، ۴۷ سلنه ماشومانو اجباري ودونه کړي،۹۷ سلنه وهل ټکول کېږي، ۶۶ سلنه فزیکي ځورول کیږي، ۶۰ زره یتیم ماشومان یوازې په کابل کې ژوند کوي او ۱۹۶ زره ماشومان په هېواد کې معیوب دي.»
دغه وزارت وایې، په هېواد کې د جګړې دوام د نورو پرتله له ماشومانو ډېره قرباني اخیستې،چې د ماشومان غږ نه اورېدل کیږي.
د کار او ټولنیزو چارو وزارت مرستیال غلام حیدر جیلاني وايي: « افغانستان کې موږ هره ورځ د جګړو، لوږې، تاوترېخوالي او بې عدالتیو له امله سلګونه ماشومان له لاسه ورکوو.»
د بشرحقونو کمېسیون بیا هغه شمېرې له رسنیو سره شریک کړې،چې په وروستیو کلونو کې د جګړې د ښکیلو غاړو له لوري ماشومانو ته مرګژوبله اوښتې.
دوي د ماشومانو پر ژوند اندیښنه لري او د هغوی خوندي ساتلو لپاره د جګړې د درېدو غوښتنته کوي .
د یونسف اداره د جګړو او ناامنیو تر شاه د نویو زیږیدلو ماشومانو د مړینې کچې او له ۴ میلیونو د ډېرو ماشومانو له ښوونځیو پاتې کېدو اندیښمن کړي .
په افغانستان کې د یونسف ادارې استازې سوزان فرهمند وايي: « له هرو ۱۰۰۰ماشومانو څخه تر ۵ کلنۍ وړاندې د ۶۰ ماشومانو مړینه او له ۴ میلیونه ډېر هغه ماشومان،چې لا هم په ښوونځو کې نه دي شامل شوي، زموږ لپاره د خبرداري زنګ دی ))
کار او ټولنیزو چارو وزارت ټېنګار کوي،چې په هېواد کې د ماشومانو ژوند خودیتوب لپاره کار کوي او هغه پروژې به پیل کړي،چې ماشومان له درنو کارونو راوګرځوي.
