افغانستان سره تېرو پنځو کلونو کې د بهرنیو هېوادونو د مرستو کچه نږدې پنځوس سلنه راټیټه شوې ده.
د مالیي وزارت مسوولینو په یو خبري غونډه کې د تېرو نړیوالو کنفرانسونو لګښت او ملي عوایدو لوړیدو په تړاو د خپلو تګلارو وړاندي کولو په موخه راټول شوي وو.
د ماليې وزارت د مالوماتو په اساس، افغانستان سره تېرو اولسو کلونو کې نږدې ۶۵ میلیارده ډالر مرسته شوې خو د ۲۰۱۴ کال را په دې خوا دا مرستې ۴۶ سلنه کمې شوي دي.
د مالي وزارت مسوولینو په وینا د ۲۰۱۴ راهیسي تر دي دمه د نړیوالو مرستو کچه ټیټه شوي خو برعکس دولتي لګښت کم او ملي عواید لوړ شوي دي.
د یاد وزارت مالومات ښیي افغانستان سره تېرو اولس کلونو کې نږدي ۶۵ میلیارده ډالر مرسته شوي او اوس کار کیږي چې دولتي بودیجه له داخلي پروژو او خصوصي سکتور له لارې لوړه شي.
مالیې وزارت که څه هم د مرستو په کموالي اندیښمن دی خو په نویو تګلارو ډاډه دی چې ملي عواید یې لوړ او دولتي لګښت یې کم کړی دي.
مالیې وزارت روان کال کې ۲۷۰ عامه پروژې تر کار لاندې دي چې ۷۰ یې تطبیق ته نږدې او دوه سوه نورې به هم ژر بشپړې شي.
