د افغانستان او ترکمنستان ترمنځ د نوري فایبر، آقینې-اندخوی ترمنځ د اوسپنې پټلۍ او د برېښنا پروژې رسما پرانیستل شوې.
یادې درې پروژې د افغانستان او ترکمنستان د ولسمشرانو له لوري په انلاین ډول پرانیستل شوې.
له دغو پروژو څخه یوه یې له آقینې څخه تر آندخوی پورې ۳۰ کیلو متره د اوسپنې پټلۍ ده چې د ۳۰ میلیونه امریکايي ډالرو په ارزښت جوړه شوې ده.
همداراز د پنځه سوه میکا واټه برېښنا لېږد چې په مرسته به یې د کابل په ګډون د افغانستان شمالي ولایتونه روښانه شي.
له آقینې څخه د هرات تورغونډۍ ته د فایبر نوري شبکې غځولو پروژه چې د ترکمنستان هیواد او افغان بېسیم مخابراتي شرکت ترمنځ یې هوکړه لاسلیک شوې وه، او په مرسته به یې افغانستان کې زیات شمېر خلک انټرنیټي آسانتیاوو ته لاسرسۍ پیداکړي.
د یادو پروزو د پرانستې په مراسمو کې د افغانستان ولسمشر وویل چې نژدې راتلونکې کې به افغانان د لازیاتو لویو اقتصادي پروژو د پرانیستلو شاهدان واوسي.
