د افغانستان په اړه د هند او پآکستان منفي دریځونه زیان اړوونکي دي.
له کابل سره د دواړو هېوادونو تفاوت یوازې همدا بلل کېږي چې ډهلي له حکومتونو او اسلام اباد له وسلوالو ډلو سره اړیکې لري.
په هند او پآکستان نیوکې له دې امله نن سبا ډېرې شوي چې د افغان سولې له پروسې سره رقابتي چلند کوي.
ها خوا امنیت شورا وایي، که روان جنګ د افغانستان وای نو ترماښامه به یې پای ته رسولی و.
ښاغلي محب په وینا په افغانستان کې د جګړې لامل یو شمېر هېوادونه دي چې جګړې ته یې زور ورکړی.
په افغانستان کې د نړیوالو سیالیو ترڅنګ سیمه ییز نیابت هم ډېر شوی چې هند او پاکستان په دې لوبه کې اوس افغانستان پورې تړلو مسایلو کې په ښکاره او په پټه توګه موضوع ګیري کوي.
کشمیر کې له خونړي برید وروسته چې هند یې د غچ اخیستو خبرداری ورکړی، پاکستان یې په مقابل کې د افغانستان سولې پروسې ته د زیان اوښتو خبرداری ورکړ.
اوس د افغانستان په اړه د هند او پاکستان ترمنځ دومره تفاوت شته چې ډهلي له حکومتونو او اسلام اباد د حکومت له وسلوالو سره همکاري لري.
له افغانستان او هند وروسته دریم ګاونډی ایران هم له پاکستان سره ستونزه لري، کشمیر کې له برید یو ورځ وړاندې ایران کې پر سپاه پاسداران برید ددې لامل شو چې د اسلام اباد سفیر په ایران کې احضار شي.
کابل هم د پاکستان سفیر له دې امله د روانې اونۍ په سر کې احضار کړی و چې ویلي وو که هند له پاکستان د غچ اخیستو هڅه وکړي د افغانستان د سولې پروسې ته به زیان پېښ شي.
تحلیل کوونکي په دې باور دي چې هند هم غواړي د افغانستان د سولې په پروسه کې ونډه ولري چې د پاکستان رول په کې زیات لیدل کېږي.
د امنیت شورا سلاکار حمدالله محب چې ځوانانو ته یې د سولې او جګړې په اړه وضاحت ورکاوه په افغانستان کې یې د روان جنګ لوبغاړي نور هېوادونه یاد کړي چې پټ څارې ادارې په کې لاس لري.
هغه د کوم هېواد نوم نه دی یاد کړی خو ښایي اشاره یې پاکستان ، ایران او هغو هېوادونو ته وي چې د وسلوالو سره ښې اړیکې لري.
د جنوبي اسیا او افغانستان لپآره د امریکا په تګلاره کې د هند په زیاتېدونکي رول ټینګار شوی دی.
اوس د اندېښنې ټکی دا دی که هند او پاکستان په افغانستان کې خپل نیابت ته دوام ورکړي نو په افغانستان کې د جګړې چانس لا ډېرېدای شي.
