اسلامي امارت د سرپرستې کابینې لپاره نوي کسان  ګومارلي

د افغانستان اسلامي امارت  له لوري په تازه اته دېرش ګومارل شویو کسانو کې زیات یې د پوځي او امنیتي برخو  دي.

مسوولینو ډاډ ښودلی   دی،چې نوي کسان به په اړوندو ادارو کې اصلاحات راولي او چارې به چټکې کړي.

۱  مولوي عبدالکبیر د ریاست الوزراء د سیاسي مرستیال په توګه

۲ ملا عبدالمجید اخند د شهیدانو او معلولینو چارو وزارت د سرپرست په توګه

۳ ملا عبدالرزاق اخند د شهیدانو او معلولینو چارو وزارت د مرستیال په توګه

۴  مولوي سخاو الله د پوهنې وزارت د مرستیال په توګه

۵ ملا محمد علي اخند د ملي دفاع وزارت د استخباراتي چارو د رئیس په توګه

۶محترم مولوي نصر الله مطیع د ملي دفاع  وزارت د پرسونل او تعلیماتو د رئیس په توګه

۷ تیمور شاه اخند د ملي دفاع وزارت د لوژیستکي چارو د رئیس په توګه

۸ملا مهر الله حماد د کندهار قول اردو د قومندان په توګه

۹ مولوي حمد الله د کابل قول اردو د قومندان په توګه

۱۰ مولوي عطاء الله عمري د مزار د قول اردو د قومندان په توګه

۱۱ مولوي محمد ظریف مظفر د هرات  قول اردو د قومندان په توګه

۱۲  ملا شرف الدین  تقي د هلمند قول اردو د قومندان په توګه

۱۳ ملا رحمت الله محمد د کندز د قول اردو قومندان په توګه

له دې سربیره پنځه ویشت نور کسان په ملکي برخه کې تازه ګو مارل شوي دي.

اخوا پخواني پوځیان د تازه ګومارنو هرکلی کوي او زیاتوي،چې ځنډیډلي کارونه بېرته پیل او د خلکو ستونزې به ورسره حل شي.

د پوځي چارو شنونکی شع ورنیازی وايي:« تازه ګومارني به وکولای شي،چي ځنډیډلي کارونه بیرته پیل شي، ترڅو هېوادوال،چي له ستونزو سره مخ دي، کار ورته وکړي.»

په ټوله کې ټینګار پر دې دی،چې د پاتې وزارتونو او ادارو لپاره دې هم مسلکي او ژمن کسان وګومارل شي.

د پوځي چارو پوه  زمان ګل دهاتي وايي:«  د پاتي وزارتونو او ریاستونو لپاره هم غوښتنه کېږي،چي کسان پر دنده وګومارل شي، ترڅو کارونه له ځنډ څخه وژغول شي.»

اسلامي امارت وايي،سرپرسته کابینه د بشپړېدو په درشل کې ده او ډاډ یې ښودلی،چې ګو مارل شوي غړي ټول مسلکي او ملي ګټو ته ژمن دي.