Skip to content
د اسلامي امارت مشرتابه استخباراتو لوی ریاست ته لارښونه کړې، چې د الله ګل مجاهد نیولو او وهلو قضیه وڅېړي.
د چارو اداره وايي، د حکومت د کابينې په ناسته کې د استخباراتو لوی ریاست ته لارښونه شوې، چې د الله ګل مجاهد د نیولو قضیې څېړلو ترڅنګ هغو کسانو سره قانوني چلند وکړي، چې مجاهد یې نیولی او وهلی دی.
څو اونۍ وړاندې د اسلامي امارت یو شمېر سرتېري د ولسي جرګې مخکېني غړي الله ګل مجاهد نیولو پسې تللي وو، چې بیا یې بېرته ازاد کړ.
د دغې نیونې ویډیو له تېرو څو ورځو راهیسې پر ټولنیزو رسنیو کې لاس په لاس کېده، چې د ګڼ شمېر خلکو غبرګون یې را پارولی دی.
یوشمېر خلکو داکار د قانون خلاف او سحرایې محکمه بللې وه، خو یوشمېر نورو یې بیا هرکلی کړی و.
