د ازبکستان پانګونې او بهرنۍ سوداګرۍ وزارت ویلي، نړیوال بانک د افغانستان د بلخ او د پاکستان د پېښور ښار ترمنځ د رېل پټلۍ جوړولو له پاره د ډیزاین تخنیکي ملاتړ او مالي مرستې ته چمتووالی ښودلی دی.
د مالوماتو له مخې، د افغانستان له لارې له پاکستان سره پر نښلوونکې یاده پروژه ۵ ملیارد ډالره لګښت راځي.
ازبکستان ویلي، په دې پروژې کې ګډون ته نړیوال بانک او د امریکا د مالي همکارۍ د نړیوالې پراختیا ادارې لېوالتیا ښوولې ده.
دا رېل لاره، ۵۷۳ کیلومتره اوږده ده،چې د کال ۲۰ میلیونه ټنه مال د ترانزیټ ظرفیت لري او د ازبکستان، افغانستان، پاکستان او هندوستان ترمنځ به اړیکې ټینګي کړي.
