Skip to content
اروپايي پارلمان وايي، د فبرورۍ په لومړۍ او دویمه نېټه د افغان ښځینه فعالانو په ګډون د افغان ښځو ورځې په نوم ناسته جوړوي.
یاد د پارلمان له لوري په دې اړه یوه خپره شوې اعلامیه کې ویل شوي، په جوړېدونکې ناسته کې به په افغانستان کې د اسلامي امارت له واکمن کېدو وروسته د افغان ښځو پر وضعیت خبرې وشي.
په دې ناسته کې به د افغانستان د ښځو چارو مخکېنۍ وزیره، د کډوالو لپاره د ملګرو ملتونو عالي کمېشنرۍ دفتر ځانګړې استازې، د اروپايي ټولنې کمېسیون مشره او د ملګرو ملتونو عمومي منشي ځانګړې استازې هم ګډون او خبرې وکړي.
په دې ناسته کې به د حوا، مریم او عایشې په نوم فلمونه هم نندارې ته وړاندې شي،چې افغان فلم جوړونکو چمتو کړي دي.
