د اخوا د سیاسي چارو یو شمېر شنونکي بیا وايي، له اروپايي ټولنې سره اقتصادي اوسیاسي اړیکې د افغانستان او افغانانو پر ګټه دي او دا کولای شي،چې په نړیوال سټيج کې د افغانستان له رسمیت پیژندنې سره مرسته وکړي.
دوی وايي، د اروپايي ټولنې مرسته به د افغانستان اوسنی اقتصادي ناورین هم تر یوه ځایه مدیریت کړي.
شنونکی عزیز معارج وايي:« اروپايي ټولنه د یوه قوي اورګان په توګه په نړۍ کې خپل باور لري او له دې اورګان سره د طالبانو اړیکې او ناستې پر نړیوال کچه د طالبانو پر سیاسي شناخت مثبته اغېزه کوي او د اقتصادی بحران په مخنیوي کې هم اغیزمنه ده او نور هېوادونه هم هڅولای شي،چې له افغانستان سره مرسته وکړي.»
په ورته مهال د افغانستان، قطر او اروپايي ټولنې ترمنځ یوه درې اړخېزه ناسته هم شوې، چې په کې د افغانستان اړوندو موضوعاتو خبرې شوي او هوکړه شوې ده،چې دغه ډول ناستو ته به دوام ورکول کېږي.
