د اروزګان والي محمد عمر شیرزاد وايي، طالبانو پرون شپه شااوخوا دوه بجې غوښتل، د مرکز ترینکوټ اړوند د شهید امرالله د ملي اردو پر بېز د هاموې ټانک په وسیله موټربم برید تر سره کړي، خو موخې ته تر رسېدو وړاندې د افغان ځواکونو له خوا په نښه شو او چاودنه یې وکړه.
شېرزاد وايي، چاودنه کې د ملي اردو سرتېرو ته کوم زیان نه دی اوښتی.
والي زیاته کړه، طالبانو هم مهاله د ترینکوټ اړوند په خانقا سيمه کې د پولیسو پر دوو پوستو دوه ساعته جګړه وکړه، چې له امله يې یو پولیس وژل شوی، درې پولیس او دوه د ملي اردو سرتېري ټپيان شوي دي.
د شیرزاد په خبره، د پولیسو په ځوابي بریدونو کې ۳ طالبان وژل شوي او ۸ نور ټپیان دي.
طالبانو بیا تر اوسه په دې اړه له رسنیو سره مالومات نه دي شریک کړي.
