Skip to content
د افغانستان اسلامي امارت رئیس الوزرا مولوي محمد حسن اخوند نن چهار شنبه د «۱۴۰۰ کال د مرغومې پر ۲۸ مه » کابل کې د افغانستان اقتصاد په نوم یو ورځني جوړ شوي کنفرانس کې د وینا پر مهال پر اسلامي هېوادونو غږ وکړ،چې خپله خپلواکي دې ثابته او د افغانستان نوی حکومت دې په رسمیت وپيژني.
اخوند وايي، د رسمیت نه پېژندلو او اقتصادي بندیزونو د افغانستان خلک له پراخو ستونزو سره مخ کړي دي.
هغه وايي، دوی تمه لرله،چې اسلامي هېوادونه به یې ژر پر رسمیت وپېژني او د امریکا خولې ته به نه ګوري،خو دوی په دې کار کې ځنډ راوستی دی.
رئیس الوزرا همدا راز پر نړیوالو غږ وکړ،چې په افغانستان کې پانګونه وکړي، له افغانستان سره اقتصادي مرستې وکړي او په دې سختو شرایطو کې د افغانانو لاسنیوی وکړي.
هغه یو ځل بیا ټینګار وکړ،چې دوی له هېچا د خپل ځان لپاره مرستې نه غواړي، بلکې تمه لري،چې له افغانانو سره په مستقیمه توګه بشردوستانه مرستې وشي.
