د بهرنیو چارو سرپرست وزیر حنیف اتمر ولسي جرګه کې د خبرو پرمهال ویلي چې نړیوالې ټولنې تیره ورځ د مرستو د دوام لپاره حکومت او طالبانو ته لس شرطونه وړاندې کړي دي.
اتمر وویل چې له افغانستان سره د نړیوالې ټولنې شوې مرستې راتلونکو دوو میاشتو پورې ختمیږي او ددې خطر شته چې نړیواله ټولنه نوره مرسته ونه کړي.
هغه ولسي جرګې ته د پلانونو شریکولو پرمهال ویلي چې د بهرنیو چارو وزارت قوانینو کې اصلاحات اړین دي او اوسنی قانون ستونزه نشي حل کولی.
اتمر ټینګار کړی چې د افغانستان ټولې کونسلګرۍ باید جدي مسلکي څیړنې لاندې راشي او دغه راز د دیپلوماتانو لپاره د بهرنیو ژبو زده کول الزامي کیږي.
