پر کونټر پارټ اداره وسلهوال برید کې ۲۹ تنو ته مرګ ژوبله واوښته.
له غرمې وړاندې یوه ډله وسله وال وتوانیدل چې د کابل ښار زړه یوه خوندي سیمه کې د کونټر پارټ په نوم دفتر په نښه کړي.
لومړی موټر بم چاودنه شوې او وروسته یوه ډله بریدګر دې دفتر ته ننوتي او د ورځې تر وروستیو یې له افغان ځواکونو سره جګړه وکړه.
دا اداره د ترهګرۍ ضد او د سولې لپاره کار کوي د لوی څارنوالۍ تر څنګ یې دفتر و.
برید د موټر بم په چاودنه پيل شوی و چې تر مازیګره یې دوام وکړ.
د کورنیو چارو وزارت مالومات ښيي چې په دې برید کې د یوې ښځې په ګډون پنځه تنه وژل شوي او د یو بهرني په ګدون ۲۴ تنه ټپيان دي.
د پېښې ځای ته ټولې ورتلونکې لارې تړلي او هرې خوا امبولانسونه او اور وژنې عمله ولاړه ده، خو هیڅ اقدام نه شي کولی.
کورنیو چارو وزارت وایي، د برید په جریان کې یې ۱۷۰ کسان ژغورلي او عملیات په احتیاط کیدل چې یرغمل کسان روغ رمټ وژغورل شي.
په دې برید کې د د پنځه بریدګرو په ګډون پنځه تنه وژل شوي او د یو بهرني په ګډون ۲۴ تنه ټپيان دي.
د دې دفتر په اړه ویل کیږي چې د ترهګرۍ ضد او سولې لپاره یې کار کاوه.
د امریکا سفارت او ناټو تر څنګ افغان ولسمشر هم دا برید غندلی. له ارګ خپره شوې خبرپاڼه لیکي چې طالبانو په دې برید سره وښودله چې د سولې په اړه د لویې جرګې غوښتنې ته احترام نه لري.
د ولسمشر له قوله طالبانو ته خبرداری ورکول شوی چې که د افغانانو غوښتنې ته طالبان مثبت ځواب و نه وایي، د افغان ځواکونو له لوري به له منځه یوړل شي.
