ننګرهار کې دداعش او طالب وسلهوالو ترمنځ نښتو زرګونه کورنۍ کډه کړي دي.
د ننګرهار په خوږیاڼو او شېرزادو ولسوالیو کې د طالب او داعش وسلهوالو خپلمنځي جګړو زرګونه کورنۍ اړیستي چې خپلې مېنې پرېږدي.
د تازه بې ځایه شویو په سیمه کې د شمشاد خبریال لطیف احساس سره خلکو په خبرو کې ویلي، ډېری کورنۍ لا هم د موټر کرایې نه لري چې له امله یې د جګړې په ډګر کې ایسار پاتې دي.
بې ځایه شویوله حکومت دبېړنیو مرستو غوښتنه کړې.
له دې سره د ولس استازو له امنیتي مسؤلینو غوښتنه کړې، چې د طالب او داعش د جګړې نندارې پرځای دې د ولس ژغورنې په موخه د وسله والو ډلو پرضد عملیات پیل کړي.
تازه جګړو له ولسي خلکو یوازې کورونه نه دي پاتې کړي، د سر زیان هم لري؛ خو کره شمېر یې نه دی مالوم.
ولایتي چارواکي بې ځایه شویو سره د مرستو او د وسله والو پرضد د عملیاتو ژمنه کوي.
د طالبانو او داعش ترمنځ خپلمنځي جګړو کې دواړه لورو ته هم تلفات اوښتي؛خو تر اوسه یې شمېر نه دی رسنیز شوی.
