لویه څارنوالي و ايي، تیر کال یې له څلوېښت زرو زیاتې قضیې څېړلې دي.
ملت ته د حساب ورکولو په لړ کې دا ځل د عدلې وزارت، روغتیا وزارت او لویه څارنوالۍ راغوښتل شوي چې خپل د تېر کال کړنو او راتلونکو پلانونو په تړاو خلکو ته معلومات ورکړي.
ولسمشر هم د حساب ورکولو لړۍ د نږدې لیدلو لپاره رسنیو مرکز ته ورغلی و.
لویې څارنوالۍ د ۱۳۹۷ کال په لړ کې څه د پاڅه څلویښت زره بیلابیلو جرمونو قضیې څیړلې دي.
د روغتیا وزارت د بودیجې او امکاناتو کموالې سره-سره خپل ځان خلکو ته د روغتیایې خدماتو په رسولو کې بریالی ګڼې او ژمنه یې وکړه چې خدمات به پراخه کړي.
د عدلې وزارت بیا د فساد له منځه وړلو برخه کې کوټلې ګامونه اخیستي او خپل نهه ویشت کارکوونکي یې د اداري فساد په تور لویې څارنوالۍ ته معرفي کړي دي.
لویې څارنوالۍ په تېر کال کې ۴۲ زره دوسیې څیړلې او د ۳۲ ولایتونو یادونه هم وکړه، چې اوس ښځې هم دې برخه کې فعالیت کوي.
لویه څارنوالۍ د لا شفافیت لپاره د ۲۵۰۰ څارنوالانو سرمایه ثبت کړې او له دې سره به د هر نوي څارنوال شتمني ثبت کیږي.
د عدلیې وزارت خپل ۲۹ کارمندان د فساد په تور لویې څارنوالۍ ته ورپیژندلي او د ۱۰۹ تقنیني فرمانونو ترڅنګ یې بیلابیل قوانین جوړ کړي دي.
د روغتیا وزارت بیا وایي تېر کال یې د کمې بودیجې او امکاناتو سره ـ سره ډیرې لاسته راوړنې درلودلې او ۳۴ ولایتونو کې یې شاوخوا ۴۰۰ روغتونونه جوړ کړي دي.
ملت ته د حساب ورکول لړۍ چې د حمل په ۲۱ پیل شوي او تر دې دمه بیلابیلو دولتې ادارو او وزارتونو خپلې د تېر کال کړنې او راتلونکې پلانونه رسنیو سره شریک کړي او لا دوام لري.
