ولسمشر غني وویل، له افغانستان څخه د چا په وتلو هېڅ نه پېښږي.
ولسمشر غني له افغانستان څخه د بهرنیو ځواکونو وتلو ته په اشارې وویل پیسې خپله پیدا کوي او له هېواد څخه یې د چا وتل تاوان نه پېښوي.
د ولسمشر غني په وینا هغوی چې فکر کاوه حکومت یوه میاشت کې سقوط کېږي څلورنیم کاله یې پوره کړل.
ولسمشر چې د جلغوزیو او اوسپنې ویلي کېدو فابریکو د پرانستې په پرمهال یې خبرې کولې وویل مسوولیت دا دی چې نه یواځې جلغوزي، بلکې د هېواد ټولو تولیداتو ته بازار پیدا کړو.
هغه باور وښود چې هېواد یې اوس د پردیو له احتاج څخه د خلاصېدو په درشل کې دی او اوس خپل تولیدات بازار ته وړاندې کوي.
په کابل کې د جلفوزیو د پروسس او اوسپنې ویلي کېدو دا دوه سترې فابریکې د ولسمشر له لوري پرانستل شوې.
دا د اقتصادي پراختیا په برخه کې دوه هغه لوی ګامونه دي ډېر لږ وخت کې افغانان د پردیو له احتیاجه خلاص کړل.
ولسمشر غني وایي، له اقتصادي ازادۍ پرته سیاسي ازادي مانا نه لري خو غواړي د هېواد هر پیداوار ته په نړیوال بازار کې مارکیټ پیدا کړي.
د ولسمشر په وینا پاکستان ته کچالو نه لېږدوي چې وروسته یې بېرته هېواد ته را وارد شي.
هغه وویل ټول هغه اټکلونه ناکام و چې ویل کېدل حکومت به یې له یوې میاشتې کم دوام پیدا نه کړي خو اوس به خپله ټوله دوره پوره کوي.
ولسمشر په ډاډ سره وویل چې له هېواد څخه یې د چا په وتلو سره تاوان نه ورپېښږي او د پیسو پیداکولو چل یې زده دی.
کېدای شي دا یې ښکاره اشاره له افغانستان څخه د ټولو بهرنیو ځواکونو وتلو پورې وي.
ولسمشر غني باور وښود چې هېواد یې ورو ورو په اقتصادي خودکفاۍ بدلېدونکی دی او اوس افغانستان په وچه جغرافیه کې نه دی بند.
هغه د اقتصادي ټیکاو په برخه کې د بیروکراسۍ په لمنځه وړو کلک ټینګار وکړ.
