حنیف اتمر چې په خبري کنفرانس کې یې خبرې کولې د مسکو ناسته ګټوره یاده کړه.
د ملي امنیت شورا پخواني سلاکار خنیف اتمر په یوې خبرې غوڼده کې ، د مسکو غونډه د افغان سولې لپاره د بین الافغاني خبرو پیل یادوي، او غوښتنه لري چې حکومت دې په راتلونکي دوهمې ناسته کې، چې په دوحه کې ترسره کیږي، برخه واخلي.
اتمروايي د ملي وحدت حکومت د پای او د ټاکنو تر منځ د تشې لپاره دې سر پرست حکومت رامنخته شي، چې په رس کې يې د ولسمشریزو ټاکنو نوماندان شامل نه وي.
د سولې اعتدال ټاکنیز ټیم ټینګار لري چې د ملي یووالي حکومت له مودې پوره کیدو سره سم دې، سرپرست حکومت رامنځ ته شي چې قانون نقض نه شي.
حنیف اتمر چې په خبري کنفرانس کې یې خبرې کولې د مسکو ناسته ګټوره یاده کړه او پر حکومت یې غږ وکړ چې د دوحې ناستې ته استازي ولیږي.
اتمر د حکومت په وروستیو هغو اقدماتو هم نیوکه وکړه چې محقق یې له دندې عزل کړی او د جنرال جرت کور یې محاصره کړی دی.
اتمر په دغه غونډه کې پرحکومت نیوکه وکړه چې د قهري قوې پر مټ يې د جنرال دین محمد جرت کور بغیر له کوم ثبوت او قانوني حکم کلا بند کړي و، او محمد محقیق يې له قانوني دلایلو پرته له دندې ګوښه اعلان کړ.
خو د اتمر د دې څرګندونو په غبرګون کې د ارګ ویاند ټینګار وکړ چې نباید سیاسیون احساساتي برخورد وکړي چې د خلکو اذهان مخشوش کړي.
اتمر په ډاګه وویل چې د ټولو هغو ملګرو ملاتړ کوي چې حکومت یې د ځپلو هڅه کوي او په دې برخه کې هر ډول سیاسي او مدنې فشارونه پر حکومت راوړي.
له جنرال جرات سره نظامي تجهیزات او وسلې وې چې د نه سپارلو په غبرګون کې ځانګړو ځواکونو پرې عملیات وکړل چې ځینې یې تسلیم کړل او ځینې ورسره پاتې دي.
