ټاکنیزو کمېسیونونو لپاره حکومت د نویو کمېشنرانو لیست باندې کار کوي.
تر اوسه حکومت یو شمېر کسان مشخص کړي او په نورو مشورې کوي چې بیا د کمېشنرانو په توګه له یوې اجماع سره پرې سلا شي.
د فیفا د مالوماتو له مخې، حکومت اوس په یو فرمان کار کوي چې د کمېشنرانو د ګمارنې میکانیزم او د کمېسیونونو خپلواکي په پام کې ونیسي.
اوس چې د کمېشنرانو د تغیر خبره یقیني شوې، د ولسمشریزو ټاکنو د بیا ځنډ شک هم یقیني دی.
په کمېسیونونو بې باوري ولسمشر په ډاګه کړه، اوس کار کوي چې دواړو کمېسیونونو ته نوي کمېشنران وټاکي.
ولسمشر له سیاسیونو او په ټاکنو د څار بنسټونو سره د کمېشنرانو په بدلون او د قانون په تعدیل خبرې کړې دي.
د فیفا د مالوماتو له مخې، حکومت د نویو کمېشنرانو په لیست کار کوي او ژر به فرمان ورکړي.
ځینې سرچینو بیا شمشاد ته ویلي چې د کمېسیونونو اوسني کمېشنران یوازې د پآرلماني ټاکنو تر پایلو وروستي کولو پاتې دي او نور به کمېشنران نه وي.
د سرچینې د مالوماتو په اساس د نویو کمېشنرانو په لیست کې عبدالله احمدزی، داود علي نجفي، اوفضل احمد معنوي شامل دي خو د نورو په تړاو تر اوسه مالومات نشته.
د کمېشنرانو په تړاو له ولسشمر سره په ناستو کې د غوراوي په کمېټې هم خبرې شوي، خو دا ځل ممکن د غوراوي کمېټه نه وي.
ولسمشریزو ټاکنو ته شاوخوا بنځه میاشتې پاتې دي، تر اوسه یې د بودیجې کارونه هم نه دي وروستي شوي. که نوي کمېشنران ټاکل کېږي هغوی به د اصلاحاتو لپآره اضافي وخت غواړي.
دغو بدلونونو او د ټاکنو درندوالي ته په کتو د سرطان په میاشت کې ټاکنې ناشونې دي.
د نویو کمېشنرانو په لومړي لیست کې تر اوسه د حکومت دننه هم اختلافات نه ښکاري، خو په ګمارنه کې یې د اختلافو اندېښنه شته
ټاکنو کمېسیون بیا ویلي چې د ښو ټاکنو ترسره کولو لپاره یوازې د افرادو تغیر نه بلکې د سیستم تغیر ته اړتیا ده.
