د کورنیو چارو وزارت درې جګپوړي مسوولین له دندو ګوښه شول.
د کورنیو چارو وزارت دوه مرستیالان او یو رییس له دندې ګوښه او پرځای یې نوي چارواکي وګمارل شول.
خوشال سادات د کورنیو چارو وزارت نوی امنیتي مرستیال، صبورخان د اپراتیفي مرستیال او ماهر یعقوبي د ترهګرۍ سره د مبارزې رییس په توګه ګمارل شوي دي.
له دوی وړاندې اختر محمد ابراهیمي او جانان بارکزی د مرستیالانو او نجیب الله له ترهګرۍ سره د مبارزې رییس په توګه دندې ترسره کولې.
امنیتي مرستیال په انګلستان او امریکا کې زده کړې کړي چې د کورنیو چارو وزارت د ځانګړو قطعاتو په ګډون یي بېلا بېلو برخو کې دنده ترسره کړې.
تر اوسه معلومات نهشته چې یاد کسان ولې له دنده ګوښه شوي دي .
