هغه زیاته کړې:«ښايي تر دې دمه د ځینو ناوړه څیزونو په اړه د ډېری وړاندوینو پایلې نه وي څرګندې شوې. موږ له افغانستانه د ترهګرۍ دګواښ او هلته یې د ډېروالي په تړاو کوم څه نه دي لیدلي. په حقیقت کې دا موږ په ډاکه کړې، تر کومه حده چې هلته ترهګري ځای لري،خو دا توان هم لرو،چې له منځه یې یوسو،لکه څرنګه مو چې الظواهري له منځه یوړو.»
بلېنکن ویلي،نړیوالې ټولنې او په ځانګړې ډول امریکا له اسلامي امارت د ښځو او نجونو په ګډون د ټولو افغانانو د حقونو ساتلو تر څنګ د ځینو ښو کارونه تمه درلوده،چې هغوی یې د کړولو ژمنه هم کړې وه، خو اسلامي امارت یې د کولو وړتیا نه لري او یا نه غواړي تر سره یې کړي.
هغه زیاته کړې:« موږ همداراز د دې شاهدان هم یو،چې طالبان نه شی کولی یا نه غواړي هغه څه تر سره کړي،چې د کولو ژمنه یې کړې وه. دا هغه څه دي،چې نه یوازې امریکا بلکې نړیواله ټولنه یې له دوی توقع لري. پیل باید له دې وی،چې د دې ډاډ تر لاسه شي،چې دوی (اسلامي امارت) په حقیقت د ښځو او نجونو په ګډون د ټولو افغانانو د حقونو ساتنه کوي. دا هر څه یو ډول شاتګ دی،څومره چې موږ اوس کولی شو د دې په تړاو کار کوو.»
په ورته وخت کې بلېنکن د خپلو ځواکونو اېستلو په تړاو ویلي، په دې کار سره یې د امریکا تر ټولو اوږده جګړه پای ته رسولې او له دې وروسته به یې ځواکونه افغانستان کې نه وژل کېږي.
بلېنکن زیاتوي:«ولسمشر جو بایډن د امریکا په تاریخ کې تر ټولو اوږده جګړه پای ته ورسوله او پایله یې داده،چې له دې وروسته به د امریکا راتلونکی نسل د جګړې لپاره افغانستان ته نه لیږل کیږي او نه به وژل کیږي. دا یوه ډېره ښه پریکړه ده او زه فکر کوم، دا هغه څه دي،چې ډېری امریکایان یې ملاتړ کوي.»
امریکا په افغاستان کې د ترهګرو د نه ډېروالي په تړاو داسې مهال خبرې کوي،چې اسلام امارت بار بار په دې تړاو نړیوالو ته ډاډ وکړی او ویلي دي،چې ترهګر په بشپړه توګه ځپل شوي او له افغان خاورې به هېچا ته ګواښ پيښ نه شي.
