یونېسف یا د ملګرو ملتونو له ماشومانو ملاتړ صندوق د زدهکړو برخې مشر رابرټ جنکېنز پر خپلې ټویټر پاڼه لیکلي، زدهکړې امتیاز نه، بلکې انساني حق دی.
جنکېنز ټینګار کړی، هر ماشوم د زدهکړو مساوي حق لري، او باید ورکړل شي.
جنګېنز دا څرګندونې داسې مهال کوي، چې د اسلامي امارت له لوري له شپږم ټولګي پورته د افغان نجونو پر زدهکړو او پوهنتونونو کې د ښځينه محصلينو پر تحصیل د بندیز تر څنګ په غیرې دولتي ادارو کې د ښځو پر کار بندیز لګېدلی دی.
د ملګرو ملتونو د تعلیمي ادارې د مالوماتو له مخې، د اسلامي امارت د پرېکړې له امله په افغانستان کې ۸۰ سلنه نجونې له زده کړو بې برخې شوې دي.
