د ایران بهرنیو چارو وزیر حسین امیر عبداللیهان لبنان ته د سفر پرمهال ویلي، د افغانستان اوسنی حکومت په رسمیت نه پېژني خو همکارۍ ته ورسره دوام ورکوي.
د راپورونو له مخې؛ د ایران بهرنیو چارو وزیر له زده کړو د نجونو او ښځو منعه کول د محمد (ص) له شان، اسلامي تعالیمو او دینی ارزښتونو سره په ټکر کې بللي دي.
د یاد هېواد خبري اژانس (اېرنا) د راپور له مخې، عبداللهیان د لبنان سیاستوالو او مذهبي مشرانو سره خبرو کې ویلي، ایران افغانستان ته د مرستو لېږلو او سوداګرۍ له لارې د افغان ولس ملاتړ ته دوام ورکوي.
عبداللهیان د ا.ا د رسمیت پېژندنې په هکله ویلي، چې په افغانستان کې اوسنی واکمن نظام په رسمیت نه پېژني، خو مختلفو برخو کې ور سره اړیکي او تعامل لري.
