لوګر کې د تېرو جګړو له امله ویجاړ شوي ښوونځي بیا رغول کېږي

د لوګر ولایت محلي چارواکي وايي، په دې ولایت کې د هغو نهو ښوونځیو د بیا رغولو کار پیل شوی، چې د جګړو پر مهال ویجاړ شوي وو.

د یاد ولایت د پوهنې ریاست د چارواکو په خبره، دغه ښوونځي د ملګرو ملتونو د ماشومانو  صندوق یا یونېسف په مالي ملاتړ رغول کېږي.

د دغه ریاست د مالوماتو له مخې؛ په یاد ولایت کې ۲۷۵ ښوونځي فعال دي، چې له دې ډلې ۱۰۰ ښوونځي لا هم ودانۍ نه لري.