بهرنیو چارو وزارت: په کراچۍ کې د بندي افغانانو کورنۍ دې چاته پيسې نه ورکوي

د بهرنیو چارو وزارت له لوري په خپره شوې خبرپاڼه کې راغلي، په کراچۍ کې د بندي افغان کډوالو کورنۍ دې د خپلو بنديانو د خلاصون لپاره چا ته پيسې نه ورکوي.

د خبرپاڼې له مخې، د بهرنیو چارو وزارت له لارښوونې سره سم، هېواد ته د ټولو هغو افغانانو د بېرته لېږد مصارف چې د کراچۍ له زندانونو څخه خوشې کیږي، په اسلام اباد کې د افغانستان سفارت پر غاړه اخلي.