Skip to content
د پخواني ولسمشر حامد کرزي له دفتره په خپره شوې خبرپاڼه کې د پاکستان د لومړي وزیر شهباز شریف په مشرۍ د دغه هېواد د ملي امنیت شورا د وروستۍ غونډې په اړه ویل شوي، د پاکستان خلک د افغانستان همسایه ورونه دي، خو د پاکستان اوسنی وضعیت او ناامني تر ډېره د پاکستان د حکومت د خپلو ناسمو پاليسیو پایله ده.
په خبرپاڼه کې راغلي، له ناامنۍ سره د موثرې او اغېزمنې مبارزې لپاره دې پاکستان د خپلو تېرو څو لسیزو پالیسيو باندې له سره غور وکړي او بدله یې دې کړي.
خبرپاڼه زیاتوي، پاکستان دې له تهدید او زور زیاتي ډډه وکړي او په سیمه کې د سولې او ثبات د ټینګښت لپاره دې له افغانستان سره د نېکو اړیکو لاره خپله کړي.
