کرزی: هېواد کې د تلپاتې سولې او ثبات لپاره د ملي خبرو پیل مهم دی

پخواني ولسمشر حامد کرزي په افغانستان کې د ملګرو ملتونو د مرستندویه ماموريت (يوناما) له مرستیال مارکس پوتزل سره په کتنه کې د افغانستان په تړاو په بېلابېلو مسایلو خبرې کړې دي.

د کرزي د دفتر له لوري په خپره شوې خبرپاڼه کې راغلي، چې په دې کتنه کې د افغانستان او سیمې پر روان وضعیت خبرې شوې دي.

د خبر پاڼې له مخې، یاده کتنه کې دواړو لورو د نجونو لپاره د ښوونیزو مرکزونو پر ژر پرانیستلو او کار ته د ښځو پر راستنېدو ټینګار کړی دی.

دغه راز پخواني ولسمشر په هېواد کې د تلپاتې سولې او ثبات لپاره ملي ډیالوګ اړین او حیاتي بللی دی.