د ماشومانو لپاره د ملګرو ملتونو د ملاتړ صندوق (یونیسف) هم بشري وضعیت د ځوړ پر لور بللی او د افغانانو د ملاتړ ښه لاره یې نغدې مرستې بللې دي.
یونیسف پر خپله ټویټر پاڼه لیکلي،چې راتلونکی ژمی به له شااوخوا ۱۱۱ زرو کورنیو سره نغدې مرستې وکړي.
یونېسف زیاته کړې:« فغانستان کې میلیونونه وګړي د خپلو کورنیو لومړنیو توکو او اړتیاوو ته لاس رسی نه لري،چې ژمی به دا وضعیت لا نور هم سخت او کړکېچن کړي. د دوی د ملاتړ لپاره تر ټولو غوره لار نغدي مرسته ده،چې یونېسف به راتلونکي ژمې کې له ۱۱۱ زرو کورنیو سره نغدي مرستې وکړي.»
له څو لسیزو راهیسې افغانان له بد بشري او اقتصادي وضعیت کړیږي،خو دا چې نړیوال د ترهګرۍ سره د مبارزې او د افغانستان د بیا رغونې په نوم جګړه کې بوخت وو او میلیاردونه ډالر یې د اساسي بیارغونې پرځای پر جګړه مصرف کړل،بشري ناورین لا هم پرځای پاتې دی.
اوس یو ځل بیا په میلیونونه ډالر افغانستان ته راځي،چې دمصرف ځای اصلي مرجع یې نه ده معلومه،خو له دومره مرستو سربیره اقتصادي وضعیت د خرابیدو پر لور روان دی. غوښتنه دا ده،چې د نړیوالو مرستې دې سمې مدیریت او مهمې پروژې دې پرې پیل شي،چې د بې وزلۍ په مخنیوي که به د پام وړ مرسته وکړي.
