Skip to content
د ملګرو ملتون د خوړو پروګرام یو ځل بیا په افغانستان کې د بد اقتصادي وضعیت په اړه اندېښنه ښودلې ده.
یاد پروګرام وايي، اوس مهال په افغانستان کې شااوخوا ۱۹ میلیونه وګړي د خوړو له سخت کمښت لاس او ګرېوان دي.
یاد سازمان زیاتوي، په قزاقستان کې ورته د لومړنیو مرستو ستره کڅوړه ور سپارل شوې چې افغانستان کې پر میلیونونو وګړو و ویشل شي.
د خوړو نړیوال پروګرام په خبره، د کډوالو په چارو کې د ملګروملتونو د عالي کمیشنرۍ په همکارۍ به دغه مرستې وویشي.
تر دې وړاندې هم د خوړو نړیوال پروګرام او د ملګروملتونو اړوند نورو سترو بنسټونو په افغانستان کې له خراب اقتصادي وضعیت اندیښنې څرګندې کړي دي.
