د سیاسي چارو تحلیل کوونکی عزیز معارج وايي:« د ایمن الظواهري د وژل کېدو له ادعء سره سم،چې طالبانو خپله د مالک په حیث یا د حاکم په حیث د هغه له شتونه بې خبري څرګنده کړه، نو د بهرنیانو ادعا،چې وايي، په افغانستان کې ترهګرې ډلې مجودې دي، ان که وايي، د ترکستان شرقي جنبش دلته دی، القاعده دلته ده، جهش محمدي دلته ده، دا ټول دلته تقریبا تصدیق کېږي. موږ ادعاء نه شو کولی، دا رد کړو.»
په افغانستان کې د روان وضیعت په تړاو وار په وار ځینو هېوادونو اندېښنې څرګندې کړي، تحلیل کوونکي په دې اند دي، چې هند افغانستان کې د پاکستان له ښکېلتیا وېره لري او په باور یې چې هند اړ دی، تر څو له افغانستان سره ډیپلوماټیکي او ښې اړیکې ولري.
د سیاسي چارو تحلیل کوونکی خلیل احمد نادم وايي:« هند تل د افغانستا وضعیت څاري. ګوري،چې پاکستان داسې یو هېواد دی،چې تل د افغانستان په کورنیو چارو کې لاسوهنه کوي او هر حکومت چې افغانستان ته راشي،د هغه ضد روزي او افغانستان ته یې لېږي.»
ټولګډونه حکومت،داخلي مشروعیت، د ښځو حقونو ورکړه او د نجونو ښوونځيو پرانېستل هغه غوښتنې دي،چې له سرپرست حکومته کیږي.
د سیاسي چارو تحلیل کوونکی طارق فرهادي وايي،هند په افغانستان کې د ټولګډونه حکومت پلوی دی،تر څو ځینې کړۍ په افغانستان کې له دې فرصته په استفادې له ترهګرو سره یوځای نه شي.
هند دفاع وزیر راجنات سینګ ویلي،هېواد یې د افغانستان ملي حاکمیت، خپلواکۍ او ځمکنۍ بشپړتیا ته درناوی لري او له افغانانو سره مرستو ته دوام ورکوي.
هغه دغه راز د شانګهای سازمان پر غړو هېوادونو هم غږ کړی دی،چې له ترهګرۍ د خوندي او باثباته افغانستان لپاره دې ګډه همکاري وکړي.
اسلامي امارت د هندي چارواکي له دغه څرګندونو هرکلی او وار په وار یې ډاډ ورکړی، چې افغان خاوره به یې د هېڅ هیواد پر ضد ونه کارول شي.
