Skip to content
د ملګرو ملتونو بشري مرستو همغږۍ ادارې (اوچا) خپل راپور کې ویلي،د افغانستان په بېلابېلو برخو کې روان زېږدیز کال کې د سېلابونو له امله له ۲۵۰ ډېر کسان مړه شوي.
راپور کې ویل شوي، دا د ۲۰۲۱ زېږدیز کال پرتله سېلابونو کې د مړو په شمېر کې ۷۵ سلنه زیاتوالی ښيي.
دغه راز راپور کې وړاندې راغلي، په ۲۰۲۱ کال کې په دغه هېواد کې د سېلابونو له کبله ۱۴۷ کسان مړه شوي وو، خو سږ کال دغه شمېر ۷۵ سلنه زیات شوې.
راپور کې ویل شوي، په لوګر ولایت کې تر ۲۰ زیات کسان مړه، ۳۰ تنه نور لادرکه او شااو خوا ۳۰۰۰ کورونه یا زیانمن شوي یا هم ویجاړ شوي دي.
اوچا وایي، د اګست میاشتې له ۱۶مې تر ۲۱مې د لوګر تر څنګ په کونړ، لغمان، میدان وردګ، ننګرهار، نورستان، پکتیا او پروان کې د سختو سېلابونو له امله په ټوله کې یې ۶۳ کسان مړه شوي دي.
