Skip to content
په پام کې وه،چې د دوشنبې پر ورځ د ملګروملتونو په امنیت شورا کې د افغانستان اسلامي امارت مشرانو د سفر بندیزونو په اړه وروستۍ پریکړه وشي،خو دغه پریکړه بیا ځنډیدلې ده.
تر دې دمه د غړو هېوادونو ترمنځ د دغې موضوع په تړاو نظر یو شوی نه دی،چې د پریکړې د وروستۍ کیدو لامل شي.
یو شمیر لویدیځ هېوادونه د اسلامي امارت چارواکو د سفر معافیت غځول غواړي،خو ځینې نور بیا پر هغوی د سفر بندیز غواړي
د ملګروملتونو د امنیت شورا د ۲۰۱۱ کال د لایحې له مخې،پر ۱۳۵ طالب چارواکو د سفر بندیزونه لګیدلي دي.
خو اوس دغه بحث د ۱۳ غړو په تړاو دوام لري،چې په پام کې وه چې د دوشنبې پر ورځ یې په تړاو پریکړه وشي.
د دغو ۱۳ تنو د سفر د معافیت موده تېره جمعه بشپړه شوې او وروسته له هغې،چې آیرلنډ یې د سفر بندیز غوښتنه کړې، په امنیت شورا کې دغه بحث جنجالي شوی دی.
