Skip to content
د ننکرهار ولایت په خوږیاڼو، چپرهار، مومندرې، ګوشتې او بټي کوټ ولسوالیو کې وړمه شپه ورښتونو او سېلابونو خلکو ته درمانه مالي زیانونه اړولي دي.
سېلاب ځپلي کسان وايي، د سرپناه او خوارکي موادو له پاره جدي اړتیا لري او باید مرسته ورسره تر سره شي.
یو تن سېلاب ځپلی کس وايي:« د سرپناه ځای مو نه شته دی. خوراکي توکي نه شته دي. هرڅه مو چې لرل، هغه سېلاب یوړول. غوښتنه مو داده،چې له موږ سره د خوراکي او نورو توکو مرستې وشي.»
یو بل سېلاب ځپلی بیا واييي:« سېلاب مو د کور ټول توکي وړي دي. سېلاب کور کې ټول توکي که خوراکي ول او که غیر خوراکي ټول یې وړي دي.»
ځايي خلک وايي، د استنادي دیوالونو نشتون هغه لوی لامل و،چې له کبله يې سېلابونو ګڼ مالي او ځاني زیانونه ورواړول.
دوی د سېلابونو خطر مخنيوي برخه کې د استنادي دیوالونو جوړولو غوښتنه لري او وایي،که جدی اقدام ونه شي،بیا ځلې سېلابونه به سلګونه انسانان ووژني.
یو تن سېلاب ځپلی وايي:«شااوخوا ۶۰۰ کورونه تخریب شوي دي. اوس هم سېلاب کنټرول شوی نه دی. د سېلاب د دوی څپې امکان هم شته دی. خلک زنګونه وهي،چې نور سېلاب هم درځي. نو که دلته یو قوي استنادي دېوال جوړ شي،نو د سېلاب مخه به ډب کړي.»
تېرې يوې اونۍ کې د هېواد په ګڼو ولایتونو کې سختو ورښتونو او سیلابونو سلګونو کسانو ته مرګ ژوبله واړوله او د زرګونو په شمېر کورونه يې هم تخریب کړل.
د پروان سیاګرد، شینوارو اود لوګر خوښۍ ولسوالۍ نورې هغه سیمې دي،چې سیلابونو په کې زرګونه کسان اغېزمن کړي.
زیانمن شوي کسان د افغانستان له اسلامي امارته د بېړنیو مرستو غوښتنه کوي.
