Skip to content
د امریکا سناتور لنډزي ګراهام تازه ویلي،امریکا په افغانستان کې کومه جګړه پای ته نه ده رسولې،بلکې بله جګړه یې پیل کړې، ځکه چې ولسمشر جوبایډن په بیړه پریکړه وکړه.
ګراهام ویلي،اوس هغه روزنیز کمپونه،چې د سپټمبر له یوولسمې مخکې په افغانستان کې و، بیا جوړیږي.
هغه زیاته کړې:« همدا اوس چې خبرې کوم،په افغانستان کې د القاعده روزنیز کمپونه د بیا راژوندي کیدو په حال کې دي. موږ تاریخ بیا تکرار کوو او دا د مخنیوي وړ وو.»
خو د افغانستان اسلامي امارت چارواکو بیا په کراتو ویلي، له افغان خاورې به چاته ګواښ پیښ نه شي، دغه راز امریکایي ولسمشر هم د القاعده شبکې د مشر ایمن الظواهري د وژلو ادعا سره ویلي، افغانستان به د ترهګرۍ په ځاله بدلیدو ته پرینږدي.
د امریکا سناتور له څرګندونو سره هم مهاله د افغانستان لپاره دامریکا مخکیني ځانګړي استازي زلمي خلیلزاد په خپله وروستۍ مرکه کې ویلي، له اسلامي امارت سره یوه سیاسي هوکړه ممکنه وه،خو د مخکیني ولسمشر وتلو دا فرصت له منځه یو وړ.
هغه زیاته کړې:« د خواشینۍ ځای دی،چې موږ ونه شوای کولی،کابل ته د طالبانو تر ننوتلو وړاندې یوه سیاسي توافق ته ورسېږو.»
خلیلزاد ویلي، ترڅو چې اسلامي امارت د یوه ټولشموله حکومت او ټولنې پر لور ګام وانخلي، نه شي کولی،پر ملي او نړیواله کچه مشروعیت ترلاسه کړي او له نړیوالو بندیزونو خلاص شي.
