کربي: اسلامي امارت دې د دوحې هوکړې ته ژمن پاتې  شي

د امریکا متحده ایالتو د ملي امنیت شورا ویاند جان کربي د یوه خبري کنفرانس پر مهال وویل،که اسلامي  امارت نړیوال مشروعیت او د نړیوالې ټولنې برخه ګرځیدل غواړي،باید خپلو کړو ژمنو ته ژمن واوسي. 

کربي زیاته کړې،چې اسلامي امارت له نړۍ غواړي،هغوی په رسمیت وپیژني، مرستې ورسره وکړي ا د امریکا له متحده ایالتو  سره ښې اړیکې غواړي،خو د دوحې تړون نقض کوي.

د کربي په خبره، که اسلامي امارت غواړي، د نړیوالې ټولنې غړی هېواد شي،نو له ترهګرو سره دې اړیکې پرې کړي.

د امریکامتحده ایالتو د ملي امنیت شورا دغه خبرې وروسته له هغې کوي،چې د بهرنیو چارو وزارت یې هم تېره ورځ ویلي ول،چې د القاعده د مشر شتون په افغانستان کې په خپله د دوحې د هوکړې نقض دی.