د اسلام کلا ښارګوټي یو بل اوسېدونکی بیا وايي:« مخکې وضعیت ترینګلی و. خلکو د جګړو له کبله نشو کولی خپل کار او روزګار ته ورسیږي. له هغې ورځې،چې اسلامي دولت راغلی امن دی او موږ ترې خوښ یوو.»
د اسلام کلا د تراسپورت مسوول نظام الدین بیا وايي، پخوا به خلکو ډېر سفر نه کاوه، خو اوس چې امنیت ښه شوی دی،په ډېره کچه خلک د شپې او ورځې سفر کوي او ښار او نورو ځایونو ته ځي.
هغه زیاته کړه:« امنیت ټینګ دی. مسافرین ځي راځي. ا.ا.ا ستونزو ته رسېدنه کوي. له دې ځایه ځي له بلې خوا راځي او هېڅ ستونزه نشته. »
له بلې خوا د هرات د اطلاعاتو او کولتور ریاست مشر مولوي نعیم الحق حقاني خلکو ته ډاډ ورکوي،چې اسلامي امارت تل د خلکو د سر او ځان ساتونکی دی.
حقاني زیاتوي:« موږ هم د خلکو ځان ساتو او هم د خلکو لپاره د ډوډۍ پیدا کولو په لټه کې یوو. ډوډۍ او ساتنه لازم او ملزوم دي. کوم حکومت چې ځان وساتي، ډوډۍ نه وي،نو ډوډۍ د ځان اخېستو لامل کېږي او که ډوډۍ وي،ځان نه وي نو ډوډۍ خلک خوړلی نه شي.»
هېواد کې د اسلامي امارت واک ته له رسېدو شااوخوا ۱۱ میاشتې کېږي،چې ورسره امنیت ښه شوی دی،خو د هرات اوسېدونکي یوازې د امنیت ټینګېدل کافي نه بولي او د امنیت ترڅنګ خلکو ته د کار زمینې برابرېدو غوښتنه کوي.
