د امریکامتحده ایالتو بهرنیو وزارت د افغانستان له مدني ټولنې سره د ګډ کار کولو او همغږیو په موخه یو مشورتي میکانیزم پرانیسی دی،چې موخه یې د افغانانو ستونزه ته رسېدنه یاده شوې.
د یاد میکانیزم د پرانېستې پر مهال د امریکا متحده ایالتو بهرنیو چارو وزیر انتونیو بلېنکېن وویل، موخه یې دا ده،چې د افغانستان له مدني فعالانو سره د ګډ کار لپاره همغږې زیاته کړي.
بلېنکن زیاته کړې:« دغه میکانیزم به د افغانستان له مدني ټولنې سره مرسته وکړي،ترڅو له د امریکامتحده ایالتو له پالیسي جوړونکو سره په مستقیمه اړیکه کې واوسي او پر ګډو لومړیتوبونو ګډو کار وکړي. دغو لومړیتوبونه به د افغان ښځو د کار کولو له مسایلو نیولې بیا تر دې،چې د افغانستان ټول لږکي وکولی شي،تخطیانې ثبت کړي او هلته مذهبي آزادي یقیني شي. له دې میکانیزم زموږ موخه دا ده،چې له افغان مدني ټولنې سره خپله ملګرتیا لا غښتلې او کارنده کړو.»
بلېنکن د اسلامي امارت لخوا د نجونو ښوونځیو پر تړل کېدو هم اندېښنه وښوده او زیاته یې کړه،چې دا چار د اسلامي امارت د هغو ژمنو خلاف ده،چې د افغانستان له خلکو او نړۍ سره یې کړې وې.
بلېنکن غوښتنه کړې،چې اسلامي امارت دې پر خپلو پریکړو له سره غور وکړي او نجونو ته دې اجازه ورکړي،تر څو ښوونځیو ته ولاړې شي.
بلېنکن زیاتوي:« طالبانو د نجونو د ښوونځیو بندولو پریکړه داسې مهال وکړه،چې نجونې ښوونځیو ته روانې وې او ځینې خو لا ټولګیو کې ناستې هم وې. دا ډول پریکړې،د طالبانو د هغو ژمنو سره په ټکر کې دي،چې د افغانستان له خلکو او نړۍ سره یې کړې وې. ۳۱۴ ورځې کیږي،چې افغان نجونې په کورونو کې ناستې دي،خو وروڼه، د کاکا او ماما زامن یې ښوونځیو ته ځي. دا یوه ډېره ستره ضایع ده.»
هغه زیاته کړې:« له کله چې طالبان پر افغانتسان حاکمان شوي دي، دوی ډېرې ازادۍ صلب کړي دي او د تېرو کلونو لاسته راوړنې یې له منځه وړي دی. دوی د مدني ټولنې او خبریالانو غږونه خاموشه کړي دي، په مارچ میاشت کې دوی د بي بي سي او وي او اې خپرونې په افغانستان کې بندې کړې او لا هم د رسنیو او خبریالانو سانسور ته ادامه ورکوي.»
اخوا افغانستان لپاره د امریکا متحده ایالتو ځانګړي استازي او د امریکا خزانې وزارت مرستیال تاشکند کې د بهرنیو چارو سرپرست وزیر امیرخان متقي پر مشرۍ افغان پلاوي سره لیدلي او د افغانستان کنګل شویو پیسو په اړه یې خبري کړي دي.
