ناسته کې د تاجکستان ولسمشر امام علي رحمان ویلي، په افغانستان کې وضعیت د خرابېدو په حال کې دی،چې د سیمې په هېوادونو به منفې اغیزې ولري.
بل خوا د قرغزستان ولسمشر بیا ویلي، په افغانستان کې وضعیت هیڅ د اټکل وړ نه دی او د ثبات لپاره یې باید هڅې وشي.
د سیاسي چارو شنونکي بیا وايي،د سیمې ځېنې هېوادونه غواړي،له حاکم حکومت سره ښې اړیکې ولري،خو ځينې نور لکه تاجکستان بیا تورونه لګوي او د رحمان وروستۍ څرګندونې د مقاومت ډلې پر ملاتړ دي.
د سیاسي چارو شنونکی شهسوار سنګر وال وايي:«د منځنۍ اسیا هېوادونه د افغانستان په اړه وېشلي نظرونه لري. یو شمېر هېوادونه، د بیلګې په ډول ازبکستان او ترکمنستان غواړي،چې له افغانستان سره ښیې اقتصادي او سیاسي اړیکې وپالي. خو یو شمېر نور هېوادونه،چې په سر کې یې تاجکستان دی،چې له افغانستان سره ښیې اړیکې نه لري. تاسو په هېږئ، هلته د مقاومت په نوم کومه ډله،چې شتون لري، د هغوی پر پلوۍ ځینې تورونه پر طالبانو پورې کوي.»
ځينې بیا د سیمې هېوادونو دغه اندېښنې بې ځایه او پروپاګند بولي او وایي، له ۴۵ کلونو وروسته په لومړي ځل افغنستان کې سر تا سري امنیت راغلی دی.
د سیاسي چارو شنونکی احمد خان اندړ وايي:« په افغانستان کې له ۴۵ کالونو وروسته یو سرتاسري امنیت راغلی دی او طالبان که څه هم د سنګرونو خلک ول، ډېریو یې دیني او مذهبي ملایان دي،خو وشو کړی،چې د افغانستان وضعیت ډېر ژر کنټرول او په ټول هېواد کې خپل حاکمیت ټېنګ کړي.»
که څه هم د ا فغانستان اسلامی امارت د دغو اندېښنو په اړه تازه کوم غبرګون نه دی ښودلی،خو له وړاندې یې ویلي ول،چې د افغانستان خاوره به د هېچ چا پر ضد نه کارول کېږي.
بل خوا غوښتنه بیا دا ده،چې نړیوال دې د ناندریو پر ځای د افغانستان لاس نیوی وکړي،تر څو له بد اقتصادي وضعیت را ووځي.
