د  پکتیا اطلاعاتو او کلتور ریاست: ځاځي اریوب ته د اختر پر درېیمه ۲۰ زره موټرې ورغلي

په سوېل کې د پکتیا ولایت د اطلاعاتو او کلتور ریاست وايي، د دغه ولایت  ځاځي اریوب ولسوالۍ  سپینې شګې  سیمې ته یوازې د لوی اختر پر دریېمه ورځ ۲۰ زره موټرې ورغلې دي.

یاد ریاست وايي، د اختر په شپو او ورځو کې زرګونه سیلانیان ځاځي اریوب ته تللي او له طبیعي منظرو یې لېده کاته کړي دي. 

د ځاځي اریوب ولسوالۍ سپینه شګه،چې ډیورنډ فرضې کرښیې ته څېرمه پرته ده، په دې وروستیو څو میاشتو کې سلګونه زره کسان لیدلو ته ورغلي دي.