د مخکېني حکومت پوځي قوماندان ډګرمن زړګی حسنزی هېواد ته را ستون شو

له افغان شخصيتونو سره د اړېکو  کمېسيون وايي، د پخوانیو چارواکو د بېرته رابللو په لړ کې د مخکېني حکومت پوځي قوما ندان ډګرمن زړګی حسن‌ زی بېرته هېواد ته راستون شو. 

یاد  کمېسيون وايي، حسنزی پرون  له انګلستانه خپل هېواد ته راستون شو.

د کمېسیون په خبره،حسنزي په  مخکېني حکومت کې پر لوړو پوستونو دندې ترسرې کړې  دي.

زړګي په  مخکېني  حکومت کې د کومانډو ځواکونو د څلورم ضربتي کنډک قوما ندان او د لوا سرپرست په توګه یې دندې اجرا کړي دي.